На 26 и 27 август 2025 година, Бирото за развој на образованието организираше обуки на тема „Планирање и реализација на наставата според новите наставни програми за прва година гимназиско образование“. Со овие обуки беа опфатени сите наставници од гимназиските училишта во државата кои во учебната 2025/2026 година ќе ја реализираат наставата според новите наставни програми. Домаќини на овој значаен настан беа средните училишта СГГУГС „Здравко Цветковски“ и СУГС „Георги Димитров“ од Скопје. За поддршка на наставниците и полесна подготовка за новата учебна година, Бирото обезбеди материјали кои произлегуваат од самите обуки и кои ќе им помогнат во нивната секојдневна работа. Наставниците имаат на располагање:

– Презентација од обуката за новите пристапи во наставата и начинот на планирање и реализација на наставните програми,

– Презентација од обуката за новите пристапи во наставата и начинот на планирање и реализација на наставните програми – Турски јазик

– Наставни програми за прва година гимназиско образование (Word формат),

– Обрасци за Планирање на реализацијата на наставната програма,

– Обрасци за Планирање на реализацијата на наставната програма – Туркси јазик,

– Обрасци за Планирање на часовите,

– Обрасци за Планирање на часовите – Туркси јазик,

– Примери за Планирање на часовите по сите наставни предмети во прва година гимназиско образование.

– Примери за Планирање на часовите по сите наставни предмети во прва година гимназиско образование. – Туркси јазик,

Бирото за развој на образованието ќе ја следи реализацијата на наставата и ќе обезбедува континуирана поддршка за наставниците. Доколку се појават предизвици или проблеми при планирањето и реализацијата, наставниците можат да се обратат до советниците на Бирото, кои ќе им помогнат со соодветни насоки и поддршка