Më 26 dhe 27 gusht 2025, Byroja për Zhvillimin e Arsimit organizoi trajnime me temë „Planifikimi dhe realizimi i mësimdhënies sipas programeve të reja mësimore për vitin e parë gjimnaz“. Me këto trajnime u përfshinë të gjithë mësimdhënësit nga shkollat e mesme – gjimnaze të vendit, të cilët në vitin shkollor 2025/2026 do të zhvillojnë mësimdhënien sipas programeve të reja mësimore për vitin e parë gjimnaz. Mikpritës të këtij aktiviteti të rëndësishëm ishin shkollat e mesme SHMNGJQSH „Zdravko Cvetkovski“ dhe SHMQSH „Georgi Dimitrov“ në Shkup.

Trajnimet u organizuan në grupe të veçanta për secilën lëndë mësimore, ndërsa realizimi i tyre u zhvillua në gjuhën maqedonase dhe në gjuhën shqipe. Mësimdhënësit u njohën me programet e reja mësimore për vitin e parë gjimnaz, të cilat do të zbatohen nga viti shkollor 2025/2026. Theksi kryesor u vu mbi mënyrën e planifikimit dhe të realizimit të mësimdhënies sipas programeve të reja, përmes përdorimit të qasjeve dhe metodave bashkëkohore të të nxënit, karakteristike për secilën lëndë. Gjithashtu, mësimdhënësit morën udhëzime për ndjekjen dhe vlerësimin e arritjeve të nxënësve, me qëllim përmirësimin e cilësisë së procesit mësimor.

Ngjarjen e nderuan me praninë e tyre drejtoresha e BZHA-së, znj. Milka Trimçevska, dhe ushtruesi i detyrës zëvendësdrejtor i BZHA-së, z. Shenasi Toçi.