На 11 и 12 септември 2025 година, советниците од Бирото за развој на образованието учествуваа на две значајни обуки:

„Примена на дигитални алатки за интерактивна и персонализирана настава“
„Поттикнување одржлив начин на размислување кај учениците за решавање на глобалните еколошки предизвици“
Со овие програми се отвора патот кон современа и креативна настава која ги поддржува наставниците во развивање на дигитални компетенции и еколошка свест кај младите.

Обуката за дигитални вештини веќе е успешно реализирана, додека втората програма – за одржливо размислување – е во тек и ќе се реализира до крајот на октомври.

По завршувањето на обуките, советниците ќе ги посетат училиштата и ќе ја следат примената на стекнатите знаења и вештини, овозможувајќи поддршка за наставниците и подобрување на наставната пракса.

Овие обуки се акредитирани, приоритетни и дел од Годишната програма за стручно усовршување на наставниците за 2025 година, со што се обезбедува континуиран професионален развој и квалитет во средното образование.