Со цел континуирано професионално усовршување на наставниците кои реализираат настава  во училиштата за средно образование, Бирото за развој на образованието  акредитираше приоритетна програма за обука на тема: „Примена на дигитални алатки за интерактивна и персонализирана настава“ – понудувач на услуга О3 ИНВЕСТ, Скопје.

Обуката  во траење од осум часа  се реализира во текот на месец јуни,  јули и август 2025 година  и се опфатени  сите наставници од средните училишта.

Целта на обуката е наставниците да ги развијат и зајакнат нивните дигитални вештини, односно:

– Развивање способност за активно користење дигитални алатки во наставата.
– Поттикнување интерактивен и персонализиран пристап што одговара на различни стилови и потреби на учениците.
– Примена на AI-базирани алатки за создавање и прилагодување на наставни материјали.
– Развивање критичко размислување и решавање проблеми преку дигитални содржини (квизови, видеа, симулации).
– Користење алатки за оценување и анализа на ученичките постигнувања.
– Обезбедување насочена повратна информација преку технологија.
– Промовирање етичка и безбедна употреба на дигитални ресурси во наставата.