На 26 и 27 август 2025 година, Бирото за развој на образованието организираше обуки на тема „Планирање и реализација на наставата според новите наставни програми за прва година гимназиско образование“. Со овие обуки беа опфатени сите наставници од гимназиските училишта во државата кои во учебната 2025/2026 година ќе ја реализираат наставата според новите наставни програми за прва година гимназиско образование. Домаќини на овој значаен настан беа средните училишта СГГУГС „Здравко Цветковски“ и СУГС „Георги Димитров“ од Скопје.

Обуките беа организирани во посебни групи за секој наставен предмет, а нивната реализација се одвиваше на македонски и на албански јазик. Наставниците се запознаа со новите наставни програми за прва година гимназиско образование, кои ќе се применуваат од учебната 2025/2026 година. Особен акцент беше ставен на начинот на планирање и реализирање на наставата според новите програми, преку примена на современи пристапи и методи на учење карактеристични за секој предмет. Дополнително, наставниците добија насоки за следење и оценување на постигањата на учениците, со цел унапредување на квалитетот на наставниот процес.

Настанот со своето присуство го удостоија директорката на БРО, м-р Милка Тримчевска, и в.д. заменик директорот на БРО, Шенаси Точи.